قررت موعد الخطوبة والان هاانا اودع العزوبة
قلت ليما يا يما اخطبيلي ****************قاتلي ويلا خطبتلك كشما تعطيلي
قتلها يا خاه عليك انا ***********راني طامع كشما تمديلي
قاتلي واشبيك يا ولد **************انا منين جاني انا حليلي
قتلها صحا يا يما تروحي تشوفيهالي
قاتلي يا وليدي انا هاذي القصة راهي شاغلة بالي
قتلها يملا ما عليك غير تجيبيهالي
قاتلي ما يكون لا خاطرك يا الغالي
غمرتني الفرحة ما تامنوش كيسرالي
مي يما كانت حابة تخليهالي
درك درك نسمعكم التالي
قصدت دار لبنيتة *********قاتلهم انا جيت لهاد لبيتة
باش نخطب بنتك ********لوليدي على سنة الله ورسوله
قالولها طلبك غالي علينا *****ونشاللله ما تخرجيش من عندنا
غير ونتي مرتاحة ومتهنية *****قاتلهم يما حبسو حبسو اصبر علينا
نفيرفي بنتكم لشابة ورزينة ******ونشوف وجهها وتكون ماشي سمينة
ونشوف القامة ونحبها تكون متينة *******ونميزها لنتاع ستيلو ولا نتاع كوزبنة
دارت يماها يدها على خدها *********وقعدت تخزو فينا
ايا انا عرفتها بلي تهردت علينا *******وجهتلي لكلام وقاتلي اسمع يا ذاك البطونة
باغا نسقسيك ونفهم منك ***** قلتلها تفضلي ثفضلي راني نسمعلك
قاتلي جاي تخطب ليك ولا لمك *******صدت ليها يما وقالتلها احترمي نفسك
انا لمعلمة وانا لي نربط وانا لي نفك ******قالتلها نسيبتي املا واش قصدك
واش بيك علاش راكي تحلي في فمك ******عند بالي جاية تخطبي لوليدك
ولا تحوسي تدي بنتي خدامة عندك ******قاتلها يما هاذي شروطي عجبك صجا
ما عجبكش الله لا عجبك *******قاتلها نسيبتي ما عجبنيش وبالناقص منك
قلتلها يا يمى وعلاش هكا *******قاتلي يا بني انا باغة نجيبلك وحدة ماركة
قلتلها لالا نتي تحوسي على وحدة ديرها في الكوزينة
قاتلي يا وليدي انا كبرت ونحوس نجيب وحدة طيبلنا ماكلة بنينة
قتلها املا غير هاذي لي نديها
ووحدة بحاللها والله يا يما ما تصيبيها
قاتلي هاذي سحرتك ومالقاتش لي يربيها
قتلها يا يما والله غير هي لي نديها
وكي رجعت ليها
قاتلي نسيبتي روح طرد يماك وارواح ليها
قتلها كي ولات في يما خليها عندك وشوفي فيها
ارجوا ان تنال اعجابكم
راكم عارفين كامل المجتمع نتاعنا داير هكذا وانا حبيت نكتب هذوا الكلمات عندي الحق ولا لا
ههههههههههههه
تحياتي