الصحبة

يلي سالتني علاش كلمة لحباب
ما ناش نقراوها في المسيد واش من سبة
***********
علاش عدنا نقراو غير لحساب
سمعت بكري كانو يقراو على الصحبة
***********
راني حاب نعرف محلها من الاعراب
الشكل والفعل ولا الفاعل لي تخبى
*********
الا كان الفعل منصوب ترفع لنصاب
ولله هاذ لقراية ما فهمت فيها حبة
********
علاش لحبيب ليوم عاد ما ينصاب
وكرهنا بعضانا يا عجابة
*************
ولا الصحبة حبست في عهد ابن الخطاب
ابى بكر وعثمان وعلي و الصحابة
***********
علاش عدنا نقراو على النجوم والسحاب
بصح ما نقراوش على لبنادم كي يتربى
********
الله يا خويا فيصل احكيلي على لحباب
ما عدناش نقراوها في لمسيد واش من سبة
*************
الا قتلك تعرف تتمشى كذاب
على خاطر كاين شحال من سبة وسبة
**********
بصح رايح نحاول نردلك جواب
وانا هاذ الجواب خذيت من تجربة
و في الاخير ارجوا ان تنال اعجابكم